Багахангай, Налайх дүүргийн Тойргийн шүүхийн Тамгын газар, Багахангай, Налайх дүүргийн Иргэний хэргийн анхан шатны Тойргийн шүүхээс 2025 оны 05 дугаар сарын 27-ны өдөр Монгол шуудан Налайх шуудан үйлчилгээний салбар, Налайх дүүргийн 1-8 дугаар хороодын Засаг дарга нартай уулзалт зохион байгууллаа.

      Уг уулзалтаар Иргэний хэрэг шүүхэд хянан шийдвэрлэх тухай хуульд орсон нэмэлт өөрчлөлт, хэргийн зохигч, оролцогч нарт шүүхийн мэдэгдэх хуудас, шүүхийн шийдвэр хүргүүлэх, зохих этгээдийн оршин суугаа хаягийн тодорхойлолт гаргуулах ажиллагаанд шүүх, шүүгчийн туслах, шүүхийн бичиг хүргэгч нарт тулгарч буй хүндрэл бэрхшээлийн талаар ярилцаж, хороодын Засаг дарга нарын саналыг сонсож, цаашид хамтран ажиллах талаарх шийдлийг тодорхойлж, холбогдох байгууллага, албан тушаалтанд хүргүүлэхээр харилцан тохиролцож уулзалтыг өндөрлөлөө.

БАГАХАНГАЙ, НАЛАЙХ ДҮҮРГИЙН ТОЙРГИЙН ШҮҮХИЙН ТАМГЫН ГАЗАР